പൈതൃകപ്പെരുമയുടെ ചരിത്രത്തിലേക്ക് കളിയാവേശത്തി ൻറെ ഒരു അധ്യായംകൂടി എഴുതിച്ചേർത്ത് സൂറിച് വെക്‌സിക്കോണിൽ മാർച്ച് 24 നു ബി ഫ്രണ്ട്‌സ് സ്വിട്സർലാൻഡ് സംഘടിപ്പിച്ച ബാഡ്‌മിന്റൺ ടൂർണമെന്റ് ആവേശത്തിന്റെ പെരുമ്പറമുഴക്കികൊണ്ടു സമാപിച്ചു.

ബി ഫ്രണ്ട്സിന്റെ ആഭിമുഖ്യത്തില്‍ പതിനഞ്ചാം തവണയാണ് ടൂര്‍ണമെന്‍റ് ഒരുക്കുന്നത്.പ്രവാസി സ്വിസ്സ് മലയാളികളിൽ ഇപ്പോള്‍ ഷട്ടില്‍ ബാഡ്മിന്‍റണ്‍ ഒരു ഹരമായി മാറിയിരിക്കുകയാണ് . ഈ ആവേശം തെളിയിക്കുന്നതായിരുന്നു ടൂര്‍ണമെന്‍റിന്‍െറ വിജയം. രാവിലെ പത്തുമണിക്ക് ആരംഭിച്ച മത്സരങ്ങള്‍ കാണാനും ,മത്സരിക്കുന്നവർക്കു ആവേശം പകരുവാനും സ്വിസ്സിലെ നാനാഭാഗത്തുനിന്നും കായിക പ്രേമികൾ എത്തുകയുണ്ടായി.

അഞ്ചു വിഭാഗങ്ങളിലായി നടന്ന ടൂര്‍ണമെന്റ്‌റിന്‍റ്റെ ഔപചാരികമായ ഉത്ഘാടനം ഫാദർ മാർട്ടിൻ പയ്യപ്പള്ളി നിര്‍വഹിച്ചു. ഇന്‍ഡോര്‍ കോർട്ടിൽ ‍ വച്ച് നടന്ന ആവേശകരമായ മല്‍സരത്തില്‍ മുപ്പതിൽപരം ടീമുകള്‍ മത്സരിച്ചു.

ടൂര്‍ണമെന്റില്‍ ബോയ്‌സ് (Under 18) സിംഗിള്‍സില്‍ സെവിൻ തടത്തിൽ ഒന്നാം സ്ഥാനത്തിനു അർഹനായി ,മിക്സെഡു ഡബിൾസ് വിഭാഗത്തിൽ ഒന്നാം സ്ഥാനം അനീഷ് ,സംഗീത ടീമിനും , 45 നു മുകളിലുള്ളവരുടെ പുരുഷവിഭാഗ ഡബിൾസ് മത്സരത്തിൽ ജോസ് ,ഷെല്ലി എന്നിവർ ഒന്നാം സ്ഥാനം നേടി.പുരുഷ വിഭാഗ ഡബിൾസ് (with llicense )മത്സരത്തിൽ ബെൻസൺ ,ബിനോയ് എന്നിവർ വിജയിച്ചു . പുരുഷ വിഭാഗ ഡബിൾസ് (with out llicense ) ജെയിൻ പന്നാരകുന്നേൽ അനീഷ്‌ പോൾ എന്നിവർ വിജയികളായി .

ടൂർണമെന്റിലെ ഏറ്റവും നല്ല കളിക്കാരനായി മികച്ച പ്രകടനത്തിന് ജോസ് വാഴക്കാലയിൽ തെരഞ്ഞെടുക്കപെട്ടു .മത്സരങ്ങൾ നയന്ത്രിച്ചത് മോനിച്ചൻ നിലവൂരാ ണ്.

പ്രസിഡണ്ട് ബിന്നി വെങ്ങപ്പള്ളിയുടെ സ്വാഗത പ്രസംഗത്തോടെ സമാപന ചടങ്ങുകൾ ആരംഭിച്ചു.സെക്രടറി ടോമി വിരുത്തിയേൽ എല്ലാ വിജയികൾക്കും ബി ഫ്രെട്സിനുവേണ്ടി അനുമോദനം അര്പ്പിച്ചു . ജേതാക്കള്‍ക്കും , റണ്ണര്‍സ് അപ്പിനുമുളള ട്രോഫികളും ബി ഫ്രണ്ട്സിന്റെ എക്സിക്യൂട്ടീവ് മെംബേർസ് വിജയികൾക്ക് സമ്മാനിച്ചു . ടൂർണമെന്ടിനോട് സഹകരിച്ച എല്ലാവർക്കും സ്പോർട്സ് കണ്‍വീനർ സഞ്‌ജു പൊന്നാനക്കുന്നേൽ ‍നന്ദിയും പറഞ്ഞു. ബേബി തടത്തിൽ പരിപാടികൾ മോഡറേറ്റ് ചെയ്തു .

കോര്‍ കമ്മിറ്റിയംഗങ്ങളായ ജെയിൻ പന്നാരകുന്നേൽ ,റെജി പോൾ എന്നിവരും ട്രഷറർ ജോയ് തടത്തിൽ കൂടാതെ എക്സികുട്ടീവ് അംഗങ്ങളും ടൂര്‍ണമെന്റിന് നേതൃത്വം നല്‍കി.അംഗങ്ങൾ ചേർന്നൊരുക്കിയ ബുഫ്ഫെറ്റിനു വനിതാ ഫോറം ഭാരവാഹിൾ നേതൃത്വം നല്‍കി.
ടൂർണമെന്റിൽ ഒന്നും ,രണ്ടും,മൂ ന്നും സ്ഥാനങ്ങൾ കരസ്തമാക്കിയവരുടെ പേരുവിവരങ്ങൾ താഴെ ചേർത്തിരിക്കുന്നു .